Лондоннинг «Арсенал» ва Каталониянинг «Барселона» клублари собиқ ҳужумчиси Тьерри Анри Криштиану Роналду Португалия терма жамоаси билан бирга ЖЧ-2026дан чиқиб кетганига муносабат билдирди.
«Кўплаб буюк футболчиларда жаҳон чемпионати ғалабаси йўқ. Аммо бу уларнинг эришган ютуқларини асло камайтирмайди. Криштиануга 1000 та гол маррасига етиб олишини тилаб қоламан. У ўз фаолияти билан кўплаб инсонларни руҳлантирди. Унинг жисмоний ҳолати — барча учун намунадир. Дўстим, кейинги қиладиган барча ишларингда сенга муваффақият тилайман», - дея афсонавий французнинг сўзлари Fox Sports аккаунтида келтирилган.
Мундиалда 41 ёшли Роналду бешта ўйинда майдонга тушди ва учта гол уришга муваффақ бўлди.
