«Барселона» бразилиялик вингер Рафиньянинг аввалги юқори даражасига қайтишига ёрдам бермоқчи. Бу ҳақда Diario SPORT газетаси хабар бермоқда.
Манбанинг маълум қилишича, агар Рафинья Саудиянинг «Ал-Ҳилол» клубига ўтишни рад этса, «Барселона» бор эътиборини унинг тез-тез жароҳат олиш муаммоларини ҳал қилишга қаратади. Каталония клуби футболчини 2024/25 йилги мавсумда кўрсатган ва «Олтин тўп»га даъвогарлардан бири бўлишини таъминлаган даражасига қайтармоқчи.
Якунланган мавсумда 29 ёшли Рафинья барча турнирларда 33 та ўйинда майдонга тушиб, 21 та гол урди ва 8 та голли узатмани ўз ҳисобига ёзиб қўйди.
