Ҳужумчи Винисиус Жуниор якшанба куни тушдан сўнг Мадридга қайтиши ва душанба куни «Реал»да Жозе Моуриньо қўл остида машғулотларни бошлаши керак. AS нашрининг хабар беришича, олдинда Винисиусни унинг келажагини белгилаб берадиган муҳим учрашув кутиб турибди.
«Реал» футболчининг ҳақиқий ниятларини шахсан билиб олиш учун Винисиус билан унинг келажагини муҳокама қилмоқчи. Мадрид клуби бошлиқлари бразилияликнинг сўзларига ишонч билдирмоқда — у аввалроқ жамоада қолиш истагини билдирган эди. «Реал» фақат Винисиуснинг ўзи шартномани узайтиришни хоҳламаслигини айтган тақдирдагина уни сотиш бўйича ишларни бошлайди.
«Реал»да «Арсенал» томонидан бўлаётган қизиқиш ҳақида ҳеч нарса билишмайди, Винисиуснинг агентлари эса лондонликлар билан ҳеч қандай келишув мавжудлигини тан олишмаяпти.
Винисиус Жуниорнинг амалдаги шартномаси 2026/2027 йилги мавсум охиригача мўлжалланган.
