"Наполи" ярим ҳимоячиси Скотт Мактоминей Жозе Моуринью билан "Реал"да яна бирга ишлаш имкониятини истисно қилмади.
"Моуринью менга "Реал" ҳақида қўнғироқ қилса, ростини айтсам, бу вариант ҳақида ўйлаб кўрардим", — деди шотландиялик футболчи.
Моуринью "Манчестер Юнайтед"ни бошқарган даврда айнан Мактоминейга асосий жамоада дебют қилиш имкониятини берган эди.
Шотландиялик ярим ҳимоячи Манчестерда ўз салоҳиятини тўлиқ намоён қила олмаган бўлса-да, "Наполи"га ўтгач фаолиятида янги босқични бошлади ва Италия чемпионатининг энг яхши ярим ҳимоячиларидан бирига айланди.
Мактоминей келажакда "Реал" учун қизиқ вариант бўлиши мумкин. Бироқ "Наполи" ҳам ўз етакчисини қўйиб юбориш ниятида эмас ва у билан шартномани узайтириш устида ишламоқда.
Футболчи "Наполи" сафида 87 та учрашувда 27 та гол урди ва 10 та голли узатма амалга оширди.
У 2024/25 йилги мавсумда "Наполи"нинг А Серия чемпионлигини қўлга киритишида муҳим рол ўйнаган.
