"Барселона" бош мураббийи Ханс-Дитер Флик 17 ёшли вингер Иу Мартинесни якшанба куни "Валенсия"га қарши сафар учрашуви олдидан асосий жамоа машғулотига жалб қилди.
Diario SPORT маълумотига кўра, ўсмир футболчи пайшанба кунги машғулотда иштирок этди. "Барса Атлетик" футболчиси Жесси Бисиву сон мушагидаги муаммо сабаб бир неча кунлик дам олгач, Мартинесга бу имконият берилган.
2009 йилда туғилган Мартинес асосий жамоа атрофида мунтазам машғулот ўтказиб туради. У "Барселона"га "Химнастик де Манреса"дан келган. Футболчи юқори шиддатдаги ўйини, қатъиятлилиги ва техник маҳорати билан ажралиб туради. Унинг ўйин услуби Ла Масия тарбияланувчиларига хос сифатларга мос келади.
Мартинес дастлаб ярим ҳимояда ўйнаган, кейин эса 11 кишилик футболга ўтганида қанотга кўчирилган. Унинг энергияси ва ўйинни яхши тушуниши янги позицияга тез мослашишига ёрдам берган.
Ёш футболчи ўтган ёзда Mundialito турнирида ҳам яхши таассурот қолдирган. У "Барселона" Juvenil B жамоасига финалда Авельянеданинг "Расинг" клубини мағлуб этишда ёрдам берган.
Ҳозирги асосий мақсади Пол Планас бошқараётган Juvenil A жамоасидан жой олиш. Агар ривожланишда давом этса, кейинчалик "Барса Атлетик"да ҳам имкониятга эга бўлиши мумкин.
