Испания Ҳакамлар техник қўмитаси «Бетис» ва «Реал» ўртасидаги учрашувда пенальти билан боғлиқ эпизодда бош ҳакам Алехандро Эрнандес Эрнандес тўғри қарор қабул қилганини тасдиқлади.
«Реал» ҳужумчиси Килиан Мбаппе 94-дақиқада пенальтини аниқ амалга ошира олмади. Такрорий лавҳаларда мезбонлар ҳимоячиси Марк Бартра француз футболчиси зарба беришидан олдин жарима майдонига кириб кетгандек кўринди.
Бироқ Ҳакамлар техник қўмитаси маълумотига кўра, арбитр вазиятни тўғри баҳолаган. Мбаппе пенальтини қайта тепиши керак бўлмаган, чунки Бартранинг фақат бир оёғи жарима майдони чизиғидан ичкарида бўлган ва зарба берилган пайтда у ҳали майдонга тегмаган.
Шу тариқа, пенальтини қайта тепиш учун асос бўлмаган.
«Реал» учрашувни қутқариб қола олмади ва 0:1 ҳисобида мағлуб бўлди. Бу Жозе Моуриньо жамоасининг жорий Ла Лига мавсумидаги илк очко йўқотиши бўлди.
