Лионель Месси яқинда сотиб олган «Эльденсе» клубининг ўйинларини кузата бошлади.
Аргентиналик футболчи жамоанинг «Овьедо»га қарши учрашувини томоша қилди. Баҳс «Эльденсе»нинг 4:1 ҳисобидаги ғалабаси билан якунланди. Ўйиндан сўнг Месси Instagram саҳифасида якуний ҳисоб, мате ичимлиги акс этган суратни жойлаб, «Олға, «Эльденсе»!» деб ёзди.
AS нашри маълумотига кўра, Месси учрашувни Росариодаги уйидан томоша қилган. Шу билан бирга, унинг бир нечта ишончли вакиллари клубнинг амалдаги раҳбарияти билан бирга стадионда бўлган.
«Эльденсе» 1 октябрь куни клуб Месси томонидан сотиб олинганини эълон қилди. Битим ҳали Испания Олий спорт кенгашининг расмий тасдиғини олиши керак.
