"Барселона" об-ҳаво шароити ёмонлашгани сабаб аёллар ўртасидаги Испания чемпионати доирасида Мадриднинг "Реал" клубига қарши ўйин бошланиш вақтини ўзгартиришни сўраб, Ла Лига раҳбариятига мурожаат қилди.
Учрашув 4 октябрь, якшанба куни бўлиб ўтиши керак. Дастлаб баҳс соат 20:00 га (ТШВ) белгиланган эди, аммо Sport нашри маълумотига кўра, каталонияликлар уни бир соатга кечиктиришни истамоқда.
"Барселона" учрашувни энг мақбул шароитда ўтказиш учун қўшимча вақтга эга бўлишни хоҳламоқда.
"Барселона" бош мураббийи Пере Ромеу ҳозирча ўйин вақтидаги эҳтимолий ўзгаришлар ҳақида маълумотга эга эмаслигини билдирди.
Унинг шогирдлари чемпионатдаги 5 та ўйиннинг барчасида ғалаба қозониб, турнир жадвалида пешқадамлик қилмоқда. "Реал" эса 13 очко билан иккинчи ўринда бормоқда.
