Ispaniya Hakamlar texnik qo‘mitasi «Betis» va «Real» o‘rtasidagi uchrashuvda penalti bilan bog‘liq epizodda bosh hakam Alexandro Ernandes Ernandes to‘g‘ri qaror qabul qilganini tasdiqladi.
«Real» hujumchisi Kilian Mbappe 94-daqiqada penaltini aniq amalga oshira olmadi. Takroriy lavhalarda mezbonlar himoyachisi Mark Bartra fransuz futbolchisi zarba berishidan oldin jarima maydoniga kirib ketgandek ko‘rindi.
Biroq Hakamlar texnik qo‘mitasi ma’lumotiga ko‘ra, arbitr vaziyatni to‘g‘ri baholagan. Mbappe penaltini qayta tepishi kerak bo‘lmagan, chunki Bartraning faqat bir oyog‘i jarima maydoni chizig‘idan ichkarida bo‘lgan va zarba berilgan paytda u hali maydonga tegmagan.
Shu tariqa, penaltini qayta tepish uchun asos bo‘lmagan.
«Real» uchrashuvni qutqarib qola olmadi va 0:1 hisobida mag‘lub bo‘ldi. Bu Joze Mourinyo jamoasining joriy La Liga mavsumidagi ilk ochko yo‘qotishi bo‘ldi.
