«Chelsi» bosh murabbiyi Xabi Alonso «Barselona»ning yulduz futbolchilaridan birini transfer qilishda qat’iy turibdi. Ispaniyalik mutaxassis hujumkor yarim himoyachi Fermin Lopesni o‘z jamoasida ko‘rishni istamoqda.
«Alonso Lopesni yuqori tezlikda harakat qilishi, intensiv o‘yini va jarima maydoniga o‘z vaqtida kirib borish qobiliyati tufayli o‘z loyihasi uchun ideal futbolchi deb hisoblaydi», — deb yozadi El Nacional.
«Barselona» 23 yoshli Lopesni sotishni istamayapti. Kataloniya klubi taklif miqdori 120 million yevroga yetmasa, muzokara stoliga ham o‘tirmasligi aytilmoqda. Amalda transfer qiymati bundan ham yuqori bo‘lishi mumkin.
Avvalroq ham Fermin Lopesning «Chelsi»ga o‘tishi mumkinligi haqida xabarlar tarqalgan edi.
