«Реал» бош мураббийи Жозе Моуриньо Ла Лиганинг «Бетис»га қарши ўйинида олган сариқ карточкаси ҳақида фикр билдирди.
«Қаймоқранглилар» португалиялик мутахассис қайтганидан сўнг илк бор мағлуб бўлди — 0:1. Учрашувнинг 55-дақиқасида Моуриньога сариқ карточка кўрсатилди, 81-дақиқада эса мезбонлар ўйиндаги ягона голни урди.
«Нега менга сариқ карточка кўрсатишди? Мен ўрнимдан сакраб турдим, чунки «Бетис» футболчиси ўзини ўлгандай тутди. Нима учун сариқ карточка олганимни умуман тушунмадим», — деди Моуриньо матбуот анжуманида.
94-дақиқада Килиан Мбаппе мадридликларни мағлубиятдан қутқариб қолиши мумкин эди, аммо у пенальтидан фойдалана олмади.
