Marca нашри Испания футбол клубларининг 2026/27 мавсуми учун расмий ўйин либослари нархлари бўйича рейтингни тақдим этди.

Рўйхатнинг биринчи поғонасини "Барселона" эгаллади. Каталония клубининг янги мавсум учун расмий футболкаси 109,99 евро туради. Ундан атиги 4 цент арзон бўлган "Атлетико" либоси 109,95 евро нарх билан иккинчи ўриндан жой олди.

"Реал" ва "Валенсия" формаларининг нархи бир хил — 100 евро. Мадридликлар рейтингда учинчи, валенсияликлар эса тўртинчи бўлди.

Эътиборли жиҳати, кучли бешликка Ла Лига эмас, Испания иккинчи дивизионида иштирок этадиган "Альбасете" ҳам кирди. Клубнинг расмий либоси 99,95 евро баҳоланган ва бу кўрсаткич Испаниянинг кўплаб юқори дивизион жамоаларини ортда қолдириш учун етарли бўлган.

Marca талқини бўйича энг қиммат 5 та клуб формаси:

1. "Барселона" — 109,99 евро
2. "Атлетико" — 109,95 евро
3. "Реал" — 100 евро
4. "Валенсия" — 100 евро
5. "Альбасете" — 99,95 евро.