Мадриднинг "Реал" клуби Рауль Асенсиони узоқ муддатга йўқотганидан сўнг янги марказий ҳимоячи билан шартнома имзолашдан манфаатдор. Бу ҳақда Fichajes хабар берди.
Манба маълумотига кўра, "Реал" рўйхатида уч нафар номзод бор: "Комо" ҳимоячиси Хакобо Рамон, Дортмунднинг "Боруссия" клуби футболчиси Нико Шлоттербек ва "Интер" ҳимоячиси Алессандро Бастони. Қайд этилишича, рўйхатда биринчи ўринда Рамон турибди.
2025 йил ёзида "Реал" Рамонни "Комо"га 2,5 миллион еврога сотган, аммо футболчи ҳуқуқларининг 50 фоизини ўзида сақлаб қолган ва уни ортга қайтариш учун бир нечта имкониятга эга. Масалан, келаси ёзда "қаймоқранглилар" 9 миллион евро эвазига футболчини қайта сотиб олиш опциясини фаоллаштириши мумкин.
Бироқ асосий муаммо Рамоннинг ўзи "Реал"га қайтишни истамаётганида. Чунки Италияда у мунтазам ўйин амалиётига эга.
Етти турдан сўнг "Реал" Испания Ла Лигаси турнир жадвалида 15 очко билан тўртинчи ўринни эгаллаб турибди.
