Португалия терма жамоаси ҳужумчиси Криштиану Роналду Данияга қарши Лига миллатларининг 3-тур учрашуви олдидан миллий жамоа қароргоҳини тарк этиш қарорига изоҳ берди.
«Терма жамоа бош мураббийининг матбуот анжуманидан ва Португалия футбол федерацияси президенти билан суҳбатдан сўнг йиғин қароргоҳини тарк этишга қарор қилдим.
Вақти келганда Португалиянинг барча мухлисларига миллий жамоадан кетишим сабабларининг ҳақиқатини айтиб бераман. Мен доимо садоқат билан хизмат қилган терма жамоамга нисбатан ҳақиқатни очиб бериш вақти келади.
Ҳозир эса Португалияга ва барча жамоадошларимга, ҳеч бирини истисно қилмаган ҳолда, омад тилайман», — дея Роналдунинг сўзларини журналист Фабрицио Романо ижтимоий тармоқда келтирди.
Аввалроқ футболчи бош мураббий Жорже Жезуш низо йўқлигини айтганига қарамай, терма жамоа машғулотини тарк этгани хабар қилинган эди. Яқин соатларда у Копенгагендан учиб кетиши кутилмоқда.
Шунингдек, Жезуш матбуот анжуманида Роналдунинг Данияга қарши ўйинда иштирок этмаслиги мумкинлигини айтган эди.
