Португалиялик машҳур ҳужумчи Криштиану Роналду Копенгагенда Португалия терма жамоаси қароргоҳини жанжалли тарзда тарк этганидан сўнг Мадрид аэропортига етиб келди.
Журналист ва инсайдер Фабрицио Романо X ижтимоий тармоғида хабар беришича, Роналду 1 октябрь куни маҳаллий вақт билан соат 02:00 да Мадридга қўнган. Футболчи Португалия миллий терма жамоаси йиғинида иштирок этмасликка расман қарор қилган.
Аввалроқ Криштиану Роналду Жорже Жезуш билан юзага келган зиддиятдан кейин Португалия терма жамоасидаги фаолиятини якунлаши мумкинлиги ҳақида хабарлар тарқалган эди.
Футболчи бош мураббий Жорже Жезуш зиддият мавжуд эмаслигини айтганига қарамай, терма жамоа машғулотини тарк этган ва Копенгагендан учиб кетган.
Шунингдек, Жезуш матбуот анжуманида Роналду Данияга қарши учрашувда иштирок этмаслигини маълум қилган.
