Родри Испания терма жамоасидаги шериги Алекс Баэнани «Барселона»га ўтишга кўндиришга ҳаракат қилмоқда. Айни пайтда 25 ёшли ҳужумкор ярим ҳимоячи «Атлетико» шарафини ҳимоя қилмоқда.
El Nacional нашрининг хабар беришича, Родри Баэнани жуда юқори савияли футболчи деб ҳисоблайди. 2024 йилги «Олтин тўп» соҳиби унга «Камп Ноу»га кўчиб ўтиш ғоясини ҳам таклиф қила бошлагани айтилмоқда.
Бироқ бу трансферни амалга ошириш осон бўлмайди. Чунки «Атлетико» футболчини қўйиб юборишни истамаслиги мумкин.
Қайд этилишича, «Барселона» Баэна ҳали «Вильярреал»да ўйнаётган пайтда ҳам унинг трансферини кўриб чиққан эди.
Transfermarkt портали Алекс Баэнанинг трансфер қийматини 40 миллион еврога баҳоламоқда.
