«Барселона» ҳужумчиси Рафинья Диас Бразилия терма жамоаси сафида жароҳат олди.
29 ёшли футболчи Австралияга қарши учрашувнинг биринчи бўлимидан сўнг алмаштирилди. Кейинчалик маълум бўлишича, ҳужумчи жиддий жароҳат олмаган, бироқ мушакларида шиш пайдо бўлган.
Sport нашри хабарига кўра, «Барселона» Рафиньянинг ҳолатидан хавотирда эмас. Футболчининг ўзи ҳам жароҳат жиддий эмаслигини билдирган, алмаштирилиши эса эҳтиёт чораси сифатида амалга оширилган.
Агар кутилмаган муаммо юзага келмаса, «Барселона» сардори 10 октябрь куни Ла Лигада «Хетафе»га қарши ўйинда майдонга тушиши мумкин.
Рафинья клуб талаби билан Бразилия терма жамоаси жойлашувини муддатидан олдин тарк этди. Яқин вақт ичида футболчи қўшимча тиббий кўрикдан ўтади.
