«Barselona» hujumchisi Rafinya Dias Braziliya terma jamoasi safida jarohat oldi.
29 yoshli futbolchi Avstraliyaga qarshi uchrashuvning birinchi bo‘limidan so‘ng almashtirildi. Keyinchalik ma’lum bo‘lishicha, hujumchi jiddiy jarohat olmagan, biroq mushaklarida shish paydo bo‘lgan.
Sport nashri xabariga ko‘ra, «Barselona» Rafinyaning holatidan xavotirda emas. Futbolchining o‘zi ham jarohat jiddiy emasligini bildirgan, almashtirilishi esa ehtiyot chorasi sifatida amalga oshirilgan.
Agar kutilmagan muammo yuzaga kelmasa, «Barselona» sardori 10 oktyabr kuni La Ligada «Xetafe»ga qarshi o‘yinda maydonga tushishi mumkin.
Rafinya klub talabi bilan Braziliya terma jamoasi joylashuvini muddatidan oldin tark etdi. Yaqin vaqt ichida futbolchi qo‘shimcha tibbiy ko‘rikdan o‘tadi.
