Osiyo o‘yinlarining futbol bo‘yicha yarim final bosqichida Janubiy Koreya U-23 terma jamoasi Xitoyni 2:1 hisobida mag‘lub etib, finalga yo‘l oldi.
Uchrashuvda hisob 23-daqiqada ochildi. Xitoy futbolchisi Van Yuydun raqib darvozasini ishg‘ol qilib, jamoasini oldinga olib chiqdi — 0:1.
Oradan o‘n daqiqa o‘tib, Li Yon Jun Eom Ji Sunning uzatmasidan keyin hisobni tenglashtirdi — 1:1.
Hal qiluvchi gol 82-daqiqada urildi. Be Jun Xo yana Eom Ji Sunning assistidan unumli foydalanib, Janubiy Koreyani hisobda oldinga olib chiqdi — 2:1.
Shu tariqa, Janubiy Koreya Osiyo o‘yinlarining birinchi finalchisiga aylandi. Endi koreyaliklar hal qiluvchi bahsda O‘zbekiston — Yaponiya (15:30) yarim finali g‘olibiga qarshi maydonga tushadi.
Osiyo o‘yinlari. Yarim final
Janubiy Koreya — Xitoy — 2:1
Gollar: Van Yuydun, 23 — 0:1; Li Yon Jun, 33 — 1:1; Be Jun Xo, 82 — 2:1.
