«Барселона» фаол равишда янги ҳужумчи қидирмоқда. Каталония клуби Ферран Торреснинг жамоадан кетиши эҳтимолига тайёргарлик кўрган ҳолда трансфер бозорини ўрганмоқда. Бу ҳақда The Touchline журналист Маттео Мореттога таяниб хабар беради.
Аввалроқ матбуотда 26 ёшли Торрес «Барселона»ни тарк этиб, «ПСЖ» сафига ўтмоқчи экани ҳақида хабарлар пайдо бўлган эди. Франция Лига 1 гранди каталонияликларнинг шартномани узайтириш бўйича таклиф этадиган ҳар қандай молиявий шартидан устунроқ таклиф беришга тайёрлиги айтилмоқда.
Кўринишидан, «Барселона» Хулиан Альваресни ўз сафига қўшиб олиш умидини ҳали бой бергани йўқ. Нуфузли инсайдер Фабрицио Романо берган маълумотларга кўра, каталонияликлар «Атлетико» билан музокараларни давом эттиришмоқда.
