«Barselona» braziliyalik vinger Rafinyaning avvalgi yuqori darajasiga qaytishiga yordam bermoqchi. Bu haqda Diario SPORT gazetasi xabar bermoqda.
Manbaning ma’lum qilishicha, agar Rafinya Saudiyaning «Al-Hilol» klubiga o‘tishni rad etsa, «Barselona» bor e’tiborini uning tez-tez jarohat olish muammolarini hal qilishga qaratadi. Kataloniya klubi futbolchini 2024/25 yilgi mavsumda ko‘rsatgan va «Oltin to‘p»ga da’vogarlardan biri bo‘lishini ta’minlagan darajasiga qaytarmoqchi.
Yakunlangan mavsumda 29 yoshli Rafinya barcha turnirlarda 33 ta o‘yinda maydonga tushib, 21 ta gol urdi va 8 ta golli uzatmani o‘z hisobiga yozib qo‘ydi.
