«Barselona» transfer oynasi yopilguniga qadar besh nafar futbolchisi bilan xayrlashishi mumkin.

Jurnalist Xose Alvaresning ma’lum qilishicha, gap Frenki de Yong, Mark Kasado, Ektor Fort, Alexandro Balde va Jyul Kunde haqida ketmoqda. Ularning barchasiga boshqa klublardan qiziqish mavjud va besh futbolchi ham joriy yozda jamoasini o‘zgartirishi mumkin.

So‘nggi vaqtlarda de Yongga «Manchester Siti» qiziqish bildirayotgani haqida xabarlar tarqaldi. Kasadoni Saudiya Arabistoni klublari bilan bog‘lashmoqda. Fort uchun «Real Sosyedad» va Dortmundning «Borussiya»si da’vogarlik qilmoqda.

Baldega «Manchester Yunayted» qiziqish bildirmoqda, Kunde esa Angliya Premyer-ligasining bir qator klublari nazarida turibdi.

Eslatib o‘tamiz, «Barselona» La Ligadagi yangi mavsumni «Elche» ustidan 5:0 hisobidagi yirik g‘alaba bilan boshladi.