«Real» vingeri Yan Diomande «Barselona» hujumchisi Karim Adeyemining rafiqasi Loredana Zefining trollingiga javob qaytardi.

Mojaro Zefi ijtimoiy tarmoqlarda «140 MILLION» deya izoh qoldirganidan keyin boshlandi. Bu orqali u ivuariyalik futbolchining transfer narxi turmush o‘rtog‘ining qiymatidan ancha yuqori ekaniga ishora qilgan.

19 yoshli Diomande og‘zaki tortishuvga kirishmadi. U mashhur fransuz qo‘shig‘i ostida video yozib, quyidagi satrlarni aytdi:

«140 million — ular so‘ragan narx shu edi. Ular bizni doimo tanqid qilishadi, biz esa shunchaki yuqoriga ko‘tarilishda davom etamiz».

Futbolchi videoda xotirjam ko‘rindi. Shu tariqa u transfer narxi atrofidagi shov-shuvdan xabardor ekanini, ammo asosiy e’tiborini Joze Mourinyoning talablariga moslashishga qaratayotganini ko‘rsatdi.

La Ligadagi ikki yangi futbolchining hozirgi natijalari taqqoslanganda, ustunlik Adeyemi tomonida. «Barselona»ga nisbatan arzonroq narxda o‘tgan germaniyalik futbolchi allaqachon 3 ta gol urdi va Chempionlar ligasida «Feyenoord» darvozasini ham ishg‘ol qildi.

Diomande esa 8 ta uchrashuvdan faqat 2 tasini asosiy tarkibda boshladi va 1 ta golli uzatmani amalga oshirdi.

Shunga qaramay, «Real»da vaziyatga xotirjam qarashmoqda. Klub Diomandeni uzoq muddatli loyiha sifatida ko‘rmoqda va uning maydon tashqarisidagi bosiqligi hamda sovuqqonligini ijobiy baholamoqda.