«Реал» вингери Ян Диоманде «Барселона» ҳужумчиси Карим Адейемининг рафиқаси Лоредана Зефининг троллингига жавоб қайтарди.

Можаро Зефи ижтимоий тармоқларда «140 МИЛЛИОН» дея изоҳ қолдирганидан кейин бошланди. Бу орқали у ивуариялик футболчининг трансфер нархи турмуш ўртоғининг қийматидан анча юқори эканига ишора қилган.

19 ёшли Диоманде оғзаки тортишувга киришмади. У машҳур француз қўшиғи остида видео ёзиб, қуйидаги сатрларни айтди:

«140 миллион — улар сўраган нарх шу эди. Улар бизни доимо танқид қилишади, биз эса шунчаки юқорига кўтарилишда давом этамиз».

Футболчи видеода хотиржам кўринди. Шу тариқа у трансфер нархи атрофидаги шов-шувдан хабардор эканини, аммо асосий эътиборини Жозе Моуриньонинг талабларига мослашишга қаратаётганини кўрсатди.

Ла Лигадаги икки янги футболчининг ҳозирги натижалари таққосланганда, устунлик Адейеми томонида. «Барселона»га нисбатан арзонроқ нархда ўтган германиялик футболчи аллақачон 3 та гол урди ва Чемпионлар лигасида «Фейеноорд» дарвозасини ҳам ишғол қилди.

Диоманде эса 8 та учрашувдан фақат 2 тасини асосий таркибда бошлади ва 1 та голли узатмани амалга оширди.

Шунга қарамай, «Реал»да вазиятга хотиржам қарашмоқда. Клуб Диомандени узоқ муддатли лойиҳа сифатида кўрмоқда ва унинг майдон ташқарисидаги босиқлиги ҳамда совуққонлигини ижобий баҳоламоқда.