Madridning «Real» klubi yarim himoyachisi Bernardu Silva asosiy tarkibdagi o‘rnini uzoq muddatga yo‘qotib qo‘yishi mumkin.
Joze Mourinyu 32 yoshli futbolchini La Ligadagi so‘nggi beshta uchrashuvning faqat bittasida boshlang‘ich tarkibda maydonga tushirdi.
The Touchline xabariga ko‘ra, Federiko Valverde va Orelyen Tchuameni sog‘lom bo‘lgan taqdirda Bernardu Silvaga asosiy tarkibdan joy olish juda qiyin bo‘ladi.
Urugvaylik va fransiyalik futbolchilar jamoaning asosiy o‘yinchilari hisoblanadi. Shu sababli ulardan birini tarkibdan siqib chiqarish Bernardu Silva uchun o‘ta murakkab vazifa bo‘lishi aytilmoqda.
Bernardu Silva o‘tgan yozda erkin agent sifatida «Real»ga kelib qo‘shilgan edi. Portugaliyalik futbolchi bunga qadar to‘qqiz yil davomida «Manchester Siti» sharafini himoya qilgan.
