"Галатасарой" ҳужумчиси Виктор Осимхен "Барселона"нинг нишонида қолмоқда.

27 ёшли футболчи трансфер ойнасининг сўнгги ҳафталарида сотилиши мумкин. Diario Sport нашрининг хабар беришича, Каталония клуби бу вазият ҳақида эшитган ва ҳужумчини тахминан 75 миллион еврога сотиб олиш мумкинлигини билади, аммо унинг жуда катта маоши туфайли келишувга эришиш эҳтимоли кам деб ҳисобланади.

Туркияда Виктор Осимхен мавсумда тахминан 15 миллион евро маош олади. "Барселона" уни фақат нигериялик футболчи маошини сезиларли даражада камайтиришга рози бўлган тақдирдагина сотиб олишни кўриб чиқади.

Хабарларга кўра, Осимхен вазиятни ўзгартиришга тайёр, аммо молиявий имтиёзлар бериши эҳтимоли кам.