«Реал» маҳоратли вингер Ян Диоманденинг «РБ Лейпциг»дан трансферини тез орада эълон қиладигандек туюлган эди. Бироқ келишув ҳақида ҳалигача расман маълумот берилгани йўқ ва AS нашри бунинг сабабини маълум қилди.
Манба хабарига кўра, 19 ёшли Диоманденинг собиқ агенти билан муаммоси бор – Макс Градель футболчи шартнома шартларини бузганини таъкидламоқда. «Реал» эса битимни Roc Nation агентлиги билан якунлаган ва футболчининг собиқ агенти билан боғлиқ муаммодан хабари бўлмаган.
Макс Градель ФИФАга шикоят аризаси топширган. Энди ташкилот бир қатор қарорлардан бирини қабул қилиши мумкин: трансферга рухсат бериш, уни кейинга қолдириш ёки ҳатто бутунлай блоклаб қўйиш. Воқеалар ривожини кузатишда давом этамиз.
