Dortmundning "Borussiya" klubi hujumchisi Erling Holand Yevropa futbolida eng ko‘p tilga olingan futbolchilardan biri.
Norvegiyalik hujumchini yozda ko‘plab Yevropa gigantlari, jumladan, "Chelsi", "Manchester Yunayted", "Real Madrid", "Liverpul" va "Bavariya" kabi yetakchilar "radariga tushgan", ammo "asalarilar" to‘purarini sotishdan bosh tortishgan.
Marca nashriga ma’lum bo‘lishicha, Holand 2022 yilning 1 yanvarida ochiladigan qishki
transfer oynasidanoq jamoasini tark etishi mumkin.
Nashrning yozishicha, Erling shartnomasida 64 million funt miqdoridagi tovon puli
belgilangan bo‘lib, u 2021/22 yilgi mavsum oxirida emas, qishda kuchga kiradi.
Shu sababli ko‘pgina mutaxassislar norvegiyalikni qishda jamoasini tark etishi mumkinligini taxmin qilishmoqda.
Eslatib o‘tamiz, Erling mavsum boshida Bundesligada ikkita o‘yin o‘tkazdi va unda ikkita gol urdi va uchta golli uzatmani amalga oshirdi.
