Дортмунднинг "Боруссия" клуби ҳужумчиси Эрлинг Ҳоланд Европа футболида энг кўп тилга олинган футболчилардан бири.
Норвегиялик ҳужумчини ёзда кўплаб Европа гигантлари, жумладан, "Челси", "Манчестер Юнайтед", "Реал Мадрид", "Ливерпуль" ва "Бавария" каби етакчилар "радарига тушган", аммо "асаларилар" тўпурарини сотишдан бош тортишган.
Marca нашрига маълум бўлишича, Ҳоланд 2022 йилнинг 1 январида очиладиган қишки
трансфер ойнасиданоқ жамоасини тарк этиши мумкин.
Нашрнинг ёзишича, Эрлинг шартномасида 64 миллион фунт миқдоридаги товон пули
белгиланган бўлиб, у 2021/22 йилги мавсум охирида эмас, қишда кучга киради.
Шу сабабли кўпгина мутахассислар норвегияликни қишда жамоасини тарк этиши мумкинлигини тахмин қилишмоқда.
Эслатиб ўтамиз, Эрлинг мавсум бошида Бундеслигада иккита ўйин ўтказди ва унда иккита гол урди ва учта голли узатмани амалга оширди.
