«Liverpul» bosh murabbiyi Yurgen Klopp APLda «Kristal Pelas» ustidan qozonilgan g‘alabadan so‘ng (3:0) o‘z fikrlari bilan o‘rtoqlashdi.
«Tariximizdagi eng qiyin 3-0 bo‘ldi desa ham bo‘laveradi. Biz o‘yinga bor kuchimizni berishimiz kerak edi. Qiyinchilik ko‘p bo‘ldi, ammo halol natijaga ega bo‘ldik.
Jismoniy tayyorgarlikni optimal holatga keltirish juda muhim edi. Avval chorshanba kuni, keyin shanba kunlari maydonga tushdik. Har uch kunda o‘ynash qiyin. Biz ajoyib gollar urdik va vaziyatlardan unumli foydalandik. Bu kabi o‘yinlarda bu juda muhim.
Ibraim Konate nihoyatda iqtidorli ekanligini kecha barcha ko‘rdi. Uning potensiali juda ham katta. U qiyinchiliklarga qaramay g‘alaba qozona oladi», - deydi Klopp.
