Bugun APL 6-turidan o‘rin olgan «Arsenal» - «Tottenxem» bahsi o‘tkaziladi. Shu markaziy bellashuvga doir qiziqarli ma’lumotlarni taqdim etamiz.
Bilasizmi?
«Arsenal» 2013/14 yilgi mavsumdan beri ilk bor liga doirasida «Tottenxem» ustidan ketma-ket ikkinchi bor g‘alaba qozonishi mumkin.
Aaron Remzdeyl ishtirokidagi ikkala APL uchrashuvi ham 1:0 hisobidagi g‘alaba bilan yakunlangan. «To‘pchilar» safida dastlabki uch Premyer-Liga o‘yinida darvozasidan to‘p olib chiqmagan posbonlar ikkita: Aleks Manninger va David Ospina.
«Shporlarning» oxirgi 10 murabbiyidan faqatgina bittasi shimoliy London derbisida «Arsenal» ustidan g‘alaba qozongan (5 durang, 4 mag‘lubiyat). Ushbu g‘alaba o‘tgan yilning iyul oyida Joze Mourinyo jamoasi tomonidan qo‘lga kiritilgandi.
Xarri Keyn 11 gol biilan London derbisi tarixida eng yaxshi to‘puraru bo‘lib turibdi.
Bahs rasmiylari
Bosh hakam: Kreyg Pouson
Qanot hakamlari: Yan Hassin, Den Robatan
Zaxira hakami: Piter Benks
VAR: Styuart Atuell
VAR yordamchisi: Konstantin Hatzidakis
Taxminiy tarkiblar
Arsenal - Remzdeyl, Tomiyasu, Uayt, Magalyayesh, Tirni, Jaka, Parti, Saka, Edegor, Rou, Obameyang
Tottenxem - Loris, Royal, Romero, Dayer, Regilyon, Xoyberg, Skipp, Alli, Lo Chelso, Son, Keyn
Yo‘qotishlar
«Arsenal» safida faqat Kiran Tirni maydonga tusha olmasligi mumkin. Uning kichik jarohati mavjud.
Mehmonlar tarkibida esa Stiven Bergveyn hamda Rayan Sessenyonlar jarohat olishgani tufayli derbini o‘tkazib yuborishga majbur. Lukas Mouraning qatnashishi esa so‘roq ostida.
Jamoa xabarlari
Granit Jaka diskvalifikasiya muddatini o‘tadi va yarim himoya markazida Parti bilan tandemda harakatlanishi kutilmoqda.
Nikolya Pepe Smit Rou bilan raqobatda yutqazmoqda va yana o‘yinni zaxiradan boshlashi mumkin.
Bergveyn hamon safga qaytmayapti va bu ish tez orada sodir bo‘lishi qiyin, Rayan Sessenyon ham mavjud emas. Ammo, Moura qaytdi.
Raqamlar
«Arsenal» barcha musobaqalarda «Tottenxem»ga qarshi 27 uchrashuvning 25 tasida mag‘lubiyatga uchramagan.
«Arsenal»ning so‘nggi 6 o‘yinidan beshtasida 2,5tadan kamroq gol kiritilgan (Premyer-Liga).
«Tottenxem»ning oxirgi 6 safar o‘yinidan beshtasida 2,5tadan ko‘proq gol urilgan (Premyer-Liga).
«Shporlar» APL doirasida so‘nggi 6 mehmon bahsidan beshtasida kamida ikkita gol o‘tkazib yuborishgan.
Tomonlar APLda o‘zaro 58 marta to‘qnasishgan va shulardan 21 uchrashuv «qizillar» foydasiga hal bo‘lgan. 14 o‘yinda «Tottenxem» g‘alaba qozongan hamda 23 bellashuvda g‘olib aniqlanmagan.
Eslatib o‘tamiz, «Arsenal» - «Tottenxem» o‘yini bugun Toshkent vaqti bilan soat 20:30da boshlanadi.
