Jahon chempionatida sovrindor bo‘lgan o‘zbekistonlik sambochilarga pul mukofoti topshirildi.
Xabarga ko‘ra, jahon chempioni bo‘lgan sambochilar 10 million so‘m, kumush medal egalari 5 million so‘m, bronza medalini qo‘lga kiritganlar esa 3 million so‘m miqdoridagi mukofotga ega bo‘ldi.
Mukofotlarni o‘z egalariga turizm va sport vaziri o‘rinbosari A.Karimov va Milliy Olimpiya qo‘mitasi bosh kotibi O.Kasimov topshirdi va sportchilarni qo‘lga kiritgan yutuqlari bilan tabriklab, minnatdorlik bildirdi.
Ta’kidlanishicha, taqdirlanganlar sport bilan shug‘ullanish uchun yaratib berilgan imkoniyatlar uchun mutasaddilarga minnatdorlik bildirgan.
