Tuttosport  nashri jurnalistlari portugaliyalik hujumchi Krishtianu Ronalduning Turinning «Yuventus» klubidagi faoliyatiga bag‘ishlangan maqola chop etishdi. Maqolada aytilishicha, yulduz forvard «keksa sinyora» tarkibidagi faoliyati yaxshi bo‘lmagan.

«Ronaldu tufayli Turin klubidagi odatiy falsafa barbod bo‘ldi. «Yuventus» tenglik, kamtarlik va birdamlikni yo‘qotdi. Krishtianuning ta’siri kiyinish xonasidagi tartibni buzdi, chunki munosabat hamma uchun bir xil bo‘lmaganda, jamoada yoriqlar boshlanadi», - deb yozadi Italiya nashri.

Ronaldu 2018 yildan 2021 yilgacha «keksa sinyora»ning sharafini himoya qilgan. O‘tgan yozda 36 yoshli hujumchi «Manchester Yunayted»ga qaytdi va u bilan ikki yillik shartnoma imzoladi.