Janubiy Afrika terma jamoasi va «Mamelodi Sandauns» klubi yarim himoyachisi Jeyden Adams 25 yoshida vafot etdi. Bu haqda Soccer Laduma xabar bermoqda.
Futbolchining vakillari o‘lim haqidagi xabarni tasdiqlashdi, ammo sodir bo‘lgan voqeaning tafsilotlari hozircha noma’lumligicha qolmoqda.
«Bu xabar hammani larzaga soldi. Men u bilan payshanba kuni gaplashgandim — u jahon chempionatidan qaytganidan so‘ng juda optimistik ruhda edi va yangi chaqiriqlarga tayyorgarlik ko‘rayotgandi», — dedi futbolchining murabbiyi Brendayn Jonson.
«Mamelodi Sandauns» klubi tafsilotlar bo‘yicha izoh berishdan bosh tortdi va futbolchi oilasining shaxsiy hayotini hurmat qilishga chaqirdi.
Adams milliy terma jamoa safida jami 9 ta o‘yin o‘tkazib, 1 ta gol urgan. Klub miqyosida futbolchi Afrika chempionlar ligasi g‘olibi hisoblanadi.
