Жанубий Африка терма жамоаси ва «Мамелоди Сандаунс» клуби ярим ҳимоячиси Жейден Адамс 25 ёшида вафот этди. Бу ҳақда Soccer Laduma хабар бермоқда.

Футболчининг вакиллари ўлим ҳақидаги хабарни тасдиқлашди, аммо содир бўлган воқеанинг тафсилотлари ҳозирча номаълумлигича қолмоқда.

«Бу хабар ҳаммани ларзага солди. Мен у билан пайшанба куни гаплашгандим — у жаҳон чемпионатидан қайтганидан сўнг жуда оптимистик руҳда эди ва янги чақириқларга тайёргарлик кўраётганди», — деди футболчининг мураббийи Брендайн Жонсон.

«Мамелоди Сандаунс» клуби тафсилотлар бўйича изоҳ беришдан бош тортди ва футболчи оиласининг шахсий ҳаётини ҳурмат қилишга чақирди.

Адамс миллий терма жамоа сафида жами 9 та ўйин ўтказиб, 1 та гол урган. Клуб миқёсида футболчи Африка чемпионлар лигаси ғолиби ҳисобланади.