Transfer oynasi yakunlangan bo‘lsa-da, «Barselona» tarkibni yanada kuchaytirish rejalarini tuzmoqda.
Kataloniya klubining asosiy maqsadlaridan biri «Tottenxem»ning vingeri Pedro Porro bo‘lib turibdi. «Ko‘k-anorranglilar» bosh murabbiyi Xans-Diter Flik ispaniyalik futbolchini o‘ng qanot uchun ideal nomzod deb hisoblaydi.
Bunga Porroning Ispaniya terma jamoasida Lamin Yamal bilan bir qanotdagi o‘zaro hamkorligi sabab bo‘lmoqda.
Porro hujumga qachon qo‘shilish, qachon esa orqa chiziqda qolish kerakligini yaxshi tushunadi, shuningdek, Yamalga harakatlanish uchun bo‘shliq yaratib bera oladi. Flikning fikricha, himoyachining o‘yinni bunday tushunishi Yamalning imkoniyatlarini yanada ochib berishi mumkin. El Nacional xabar berishicha, Porroning transferi «Barselona»ga Jyul Kundeni sotish imkoniyatini ham berishi mumkin.
