Трансфер ойнаси якунланган бўлса-да, «Барселона» таркибни янада кучайтириш режаларини тузмоқда.

Каталония клубининг асосий мақсадларидан бири «Тоттенхэм»нинг вингери Педро Порро бўлиб турибди. «Кўк-анорранглилар» бош мураббийи Ханс-Дитер Флик испаниялик футболчини ўнг қанот учун идеал номзод деб ҳисоблайди.

Бунга Порронинг Испания терма жамоасида Ламин Ямал билан бир қанотдаги ўзаро ҳамкорлиги сабаб бўлмоқда.

Порро ҳужумга қачон қўшилиш, қачон эса орқа чизиқда қолиш кераклигини яхши тушунади, шунингдек, Ямалга ҳаракатланиш учун бўшлиқ яратиб бера олади. Фликнинг фикрича, ҳимоячининг ўйинни бундай тушуниши Ямалнинг имкониятларини янада очиб бериши мумкин. El Nacional хабар беришича, Порронинг трансфери «Барселона»га Жюль Кундени сотиш имкониятини ҳам бериши мумкин.