Мадриднинг "Реал" клуби бош мураббийи Жозе Моуриньо Винисиус Жуниор, Килиан Мбаппе ва Ян Диоманденинг бир вақтда майдонга тушиш имконияти ҳақида фикр билдирди.
"Диоманде асосий таркибда майдонга тушадими ёки йўқми, бу саволга жавоб бермайман. Мен ёлғон гапирмайман ва кимлар ўйнашини олдиндан ошкор қилишни ҳам истамайман.
Ҳужум чизиғимизда савияли футболчилар кўп, аммо уларнинг барчаси бир вақтда майдонга туша олмайди.
Биз учта, ҳатто тўртта ҳужумчи билан ҳам ўйнашимиз мумкин. Масалан, "Эльче"га қарши учрашувнинг сўнгги беш дақиқасида майдонда олтита ҳужумкор футболчимиз бор эди.
Бироқ хавфларни назорат қилган ҳолда мувозанатли ўйин кўрсатиш ҳақида гапирадиган бўлсак, бундай футболчилардан олти-етти нафарини бир вақтда майдонга тушира олмаймиз.
Винисиус, Диоманде ва Мбаппе бемалол биргаликда ўйнаши мумкин. Мен уларнинг ёнига яна бир футболчини ҳам қўшган бўлардим.
Аммо барча ҳужумчиларни бир вақтда майдонга туширишнинг имкони йўқ", — дея Моуриньонинг сўзларини келтиради AS нашри.
"Реал" навбатдаги учрашувини 10 октябрь куни "Сантьяго Бернабеу" стадионида "Вильярреал"га қарши ўтказади.
