Madridning "Real" klubi bosh murabbiyi Joze Mourinyo Vinisius Junior, Kilian Mbappe va Yan Diomandening bir vaqtda maydonga tushish imkoniyati haqida fikr bildirdi.

"Diomande asosiy tarkibda maydonga tushadimi yoki yo‘qmi, bu savolga javob bermayman. Men yolg‘on gapirmayman va kimlar o‘ynashini oldindan oshkor qilishni ham istamayman.

Hujum chizig‘imizda saviyali futbolchilar ko‘p, ammo ularning barchasi bir vaqtda maydonga tusha olmaydi.

Biz uchta, hatto to‘rtta hujumchi bilan ham o‘ynashimiz mumkin. Masalan, "Elche"ga qarshi uchrashuvning so‘nggi besh daqiqasida maydonda oltita hujumkor futbolchimiz bor edi.

Biroq xavflarni nazorat qilgan holda muvozanatli o‘yin ko‘rsatish haqida gapiradigan bo‘lsak, bunday futbolchilardan olti-etti nafarini bir vaqtda maydonga tushira olmaymiz.

Vinisius, Diomande va Mbappe bemalol birgalikda o‘ynashi mumkin. Men ularning yoniga yana bir futbolchini ham qo‘shgan bo‘lardim.

Ammo barcha hujumchilarni bir vaqtda maydonga tushirishning imkoni yo‘q", — deya Mourinyoning so‘zlarini keltiradi AS nashri.

"Real" navbatdagi uchrashuvini 10 oktyabr kuni "Santyago Bernabeu" stadionida "Vilyarreal"ga qarshi o‘tkazadi.