Madridning «Real» klubi rekonstruksiya qilingan «Santyago Bernabeu» stadionidagi so‘nggi ishlarni yakunlash arafasida. Eng ko‘p kutilgan o‘zgarishlardan biri ham tez orada amalga oshiriladi.

Qayta qurish ishlari boshlanganidan yetti yarim yil o‘tib, klub stadionning Paseo-de-la-Kastelyana ko‘chasi bo‘ylab joylashgan asosiy fasadiga o‘z emblemasini o‘rnatishga tayyorgarlik ko‘rmoqda.

Balandligi taxminan besh metr bo‘lishi kutilayotgan emblema stadionda allaqachon mavjud bo‘lgan «Bernabeu» yozuvi yoniga joylashtiriladi.

So‘nggi haftalarda ishchilar ushbu konstruksiyani o‘rnatishning eng maqbul usulini o‘rganib chiqmoqda. Emblemaning kattaligi va uning tashqaridan yaxshi ko‘rinishini ta’minlash zarurati ish jarayonida jiddiy qiyinchilik tug‘dirmoqda.

Mazkur o‘zgarish «Real» muxlislarining bir qismi tomonidan uzoq vaqtdan buyon bildirib kelinayotgan talabga javob bo‘ladi. Ular rejalashtirilgan yangilikni mamnuniyat bilan qarshi olgan.

Biroq stadionning hozirgi fasadi tanqidlarga ham sabab bo‘lmoqda.

Gap shundaki, unda klubning afsonaviy sobiq prezidenti sharafiga qo‘yilgan to‘liq «Santiago Bernabeu» nomi o‘rniga faqat «Bernabeu» yozuvi aks ettirilgan.