Мадриднинг «Реал» клуби реконструкция қилинган «Сантьяго Бернабеу» стадионидаги сўнгги ишларни якунлаш арафасида. Энг кўп кутилган ўзгаришлардан бири ҳам тез орада амалга оширилади.

Қайта қуриш ишлари бошланганидан етти ярим йил ўтиб, клуб стадионнинг Пасео-де-ла-Кастельяна кўчаси бўйлаб жойлашган асосий фасадига ўз эмблемасини ўрнатишга тайёргарлик кўрмоқда.

Баландлиги тахминан беш метр бўлиши кутилаётган эмблема стадионда аллақачон мавжуд бўлган «Bernabeu» ёзуви ёнига жойлаштирилади.

Сўнгги ҳафталарда ишчилар ушбу конструкцияни ўрнатишнинг энг мақбул усулини ўрганиб чиқмоқда. Эмблеманинг катталиги ва унинг ташқаридан яхши кўринишини таъминлаш зарурати иш жараёнида жиддий қийинчилик туғдирмоқда.

Мазкур ўзгариш «Реал» мухлисларининг бир қисми томонидан узоқ вақтдан буён билдириб келинаётган талабга жавоб бўлади. Улар режалаштирилган янгиликни мамнуният билан қарши олган.

Бироқ стадионнинг ҳозирги фасади танқидларга ҳам сабаб бўлмоқда.

Гап шундаки, унда клубнинг афсонавий собиқ президенти шарафига қўйилган тўлиқ «Santiago Bernabeu» номи ўрнига фақат «Bernabeu» ёзуви акс эттирилган.