«Sanderlend» himoyachisi, «PSJ» va Dortmundning «Borussiya» klublarining sobiq futbolchisi Toma Menye «Manchester Siti»ning yangi futbolchisi Ayyub Buaddi transfer qiymati va zamonaviy futboldagi narxlar haqida fikr bildirdi.
Eslatib o‘tamiz, Marokash terma jamoasining 18 yoshli yarim himoyachisi bu yozda «Lill»dan «Siti»ga 95 million yevro evaziga o‘tgan.
«Ayyub — ajoyib futbolchi. Ammo, rostini aytsam, hozir pul haqida gapirishning ma’nosi qolmadi, chunki transfer summalarida endi hech qanday mantiq yo‘q. Eshakni 200 million funtga, ajoyib futbolchini esa 20 million funtga sotib olish mumkin. Bu endi umuman mantiqqa to‘g‘ri kelmaydi», — dedi Menye The Athletic nashriga bergan intervyusida.
Buaddi 2026 yilgi Jahon chempionatida Marokash terma jamoasining oltita o‘yinidan beshtasida ishtirok etdi va barcha uchrashuvlarda asosiy tarkibda maydonga tushdi.
