«Milan» va «PSJ»ning sobiq hujumchisi Zlatan Ibragimovich «Real» Madrid forvardi Kilian Mbappening bayonotiga munosabat bildirdi. Fransiyalik hujumchi ideal mavsum o‘tkazganini va shuning uchun «Oltin to‘p»ni qo‘lga kiritishi mumkinligini aytgan edi.
«Mbappe undan yaxshiroq mavsum o‘tkazgan birorta ham futbolchi bo‘lmaganini aytyaptimi? Bu gapdan kulaman. U hech narsa yuta olmadi. Ayni paytda Xarri Keyn ko‘p gapirmaydi — u raqamlari bilan gapiradi, jamoasini oldinga yetaklaydi va sovrinlarni qo‘lga kiritadi», — dedi Ibragimovich.
O‘tgan mavsumda Xarri Keyn «Bavariya» safida 51 ta uchrashuvda maydonga tushib, 61 ta gol urdi va 7 ta golli uzatmani amalga oshirdi. Uning Myunxen klubi bilan shartnomasi 2027 yil yoziga qadar amal qiladi.
