«Милан» ва «ПСЖ»нинг собиқ ҳужумчиси Златан Ибрагимович «Реал» Мадрид форварди Килиан Мбаппенинг баёнотига муносабат билдирди. Франциялик ҳужумчи идеал мавсум ўтказганини ва шунинг учун «Олтин тўп»ни қўлга киритиши мумкинлигини айтган эди.

«Мбаппе ундан яхшироқ мавсум ўтказган бирорта ҳам футболчи бўлмаганини айтяптими? Бу гапдан куламан. У ҳеч нарса юта олмади. Айни пайтда Харри Кейн кўп гапирмайди — у рақамлари билан гапиради, жамоасини олдинга етаклайди ва совринларни қўлга киритади», — деди Ибрагимович.

Ўтган мавсумда Харри Кейн «Бавария» сафида 51 та учрашувда майдонга тушиб, 61 та гол урди ва 7 та голли узатмани амалга оширди. Унинг Мюнхен клуби билан шартномаси 2027 йил ёзига қадар амал қилади.