Samarqandda davom etayotgan shaxmat bo‘yicha olimpiadaning eng markaziy va shiddatli uchrashuvlaridan birida O‘zbekiston erkaklar terma jamoasi Xitoy jamoasini 3:1 hisobida ishonchli tarzda taslim etdi.

Nodirbek Abdusattorov va Nodirbek Yoqubboyev o‘z o‘yinlarida yorqin g‘alabaga erishgan bo‘lsa, Javohir Sindorov va Muhiddin Madaminov raqiblari bilan murosaga kelib, jamoamizning umumiy g‘alabasini ta’minlashdi.

O‘zbekiston mazkur g‘alabadan keyin 14 ochko bilan turnir jadvalidagi yakka peshqadamligini saqlab qoldi.

12 ochko jamg‘argan Niderlandiya, Hindiston, Germaniya, Ozarboyjon va Armaniston jamoalari keyingi o‘rinlarga egallab turibdi.

O‘zbekistonning ikkinchi jamoasi ushbu turda Fransiya bilan durang o‘ynagan bo‘lsa (2:2), uchinchi jamoamiz Janubiy Afrika Resbulikasini 3-1 hisobida taslim etdi. O‘zbekiston-2 jamoasi 11 ochko bilan 14-pog‘onani band etgan.

Erkaklar jamoalarimizga 8-turda raqiblik qiladigan jamoalar:

O‘zbekiston-1 — Germaniya
O‘zbekiston-2 — Angliya
O‘zbekiston-3 — Shveysariya

Ayollar

O‘zbekiston ayollar jamoasi mazkur turda Sloveniyaga qarshi dona surib, 3,5 - 0,5 hisobida ishonchli g‘alabani qo‘lga kiritdi. Ikkinchi jamoamiz Tojikistonni mag‘lub etgan bo‘lsa (3-1), uchinchi jamoamiz Peruga imkoniyatni boy berdi (0,5 - 3,5).

Ayollar jamoalarimizning 8-turdagi raqiblari:

O‘zbekiston-1 (11 ochko) - Niderlandiya (11 ochko)
O‘zbekiston-2 (10 ochko) - Kuba (8 ochko)
O‘zbekiston-3 (8 ochko) - Yamayka (8 ochko)