"Sherif" klubi murabbiyi bunga aniqlik kiritdi.
Moldova chempionatining 15-turidan o‘rin olgan "Sherif" – "Belsi" jamoalari o‘rtasidagi o‘yin bo‘lib o‘tdi. Unda yurtdoshimiz harakat qilayotgan "Sherif" 2:0 hisobida ishonchli g‘alabaga erishdi. O‘yin yakunlangandan so‘ng, jamoa bosh murabbiyi Yuriy Vernidub matbuot anjumanida qatnashib Yaxshiboyevning jarohati haqidagi savolga javob berdi.
"Uning ahvoli hozirda yaxshilanib bormoqda. Jasur dushanba kunidan umumiy guruh mashg‘ulotlariga qo‘shilishi mumkin", - dedi murabbiy.
Eslatib o‘tamiz, Yaxshiboyev Chempionlar ligasi 2-turidan o‘rin olgan "Real Madrid" bilan kechgan o‘yinda jarohat olgan edi. Shu sababli, u terma jamoamizning oktyabr oyidagi yig‘ini va "Sherif"ning bir qancha o‘yinlarini o‘tkazib yuborgan.
