"Шериф" клуби мураббийи бунга аниқлик киритди.
Молдова чемпионатининг 15-туридан ўрин олган "Шериф" – "Бельцы" жамоалари ўртасидаги ўйин бўлиб ўтди. Унда юртдошимиз ҳаракат қилаётган "Шериф" 2:0 ҳисобида ишончли ғалабага эришди. Ўйин якунлангандан сўнг, жамоа бош мураббийи Юрий Вернидуб матбуот анжуманида қатнашиб Яхшибоевнинг жароҳати ҳақидаги саволга жавоб берди.
"Унинг аҳволи ҳозирда яхшиланиб бормоқда. Жасур душанба кунидан умумий гуруҳ машғулотларига қўшилиши мумкин", - деди мураббий.
Эслатиб ўтамиз, Яхшибоев Чемпионлар лигаси 2-туридан ўрин олган "Реал Мадрид" билан кечган ўйинда жароҳат олган эди. Шу сабабли, у терма жамоамизнинг октябрь ойидаги йиғини ва "Шериф"нинг бир қанча ўйинларини ўтказиб юборган.
