«PSJ» hujumchisi Kilian Mbappe faoliyatini «Real»da davom ettirishi aniq bo‘ldi.
Jurnalist Janluka Di Marsio tarqatgan xabarga ko‘ra, 22 yoshli futbolchi «Real»ga o‘tish borasida yakuniy qarorni qabul qilib bo‘ldi.
«Madrid» va Mbappe o‘rtasidagi tuziladigan shartnoma tayyor, ammo uni fevral oyidan ertaroq imzolash mumkin emas. Fransiyalik futbolchi kelasi yilning yozida erkin agent sifatida "Santyago Bernabeu"ga ko‘chib o‘tadi.
Mbappening «PSJ» bilan shartnomasi 2022 yilning 30 iyuniga qadar tuzilgan. Joriy mavsumda u 14ta o‘yinda maydonga tushib, 6ta gol va 8ta assist muallifiga aylandi.