Londonliklar prezidenti navbatdagi transferlar oynasida katta mablag‘ sarflaydi.
Angliyaning The Sun nashri bergan ma’lumotlarga ko‘ra, "Tottenxem" prezidenti Daniel Levy qishki transferlar oynasida klubni kuchaytirish maqsadida 100 million yevrogacha mablag‘ sarflashi ma’lum bo‘ldi. Italiyalik murabbiy Antonio Konte - jamoa rahbari bunday ish qilishining asosiy sababchilaridan biri, deyiladi xabarda.
Avvalroq, Konte bugun "shporlar" murabbiyi etib tayinlanishi va klub bilan ikki yillik shartnoma imzolashi haqida yangiliklar chiqqan edi.
