«Manchester Yunayted»ga egalik qiluvchi Gleyzerlar oilasi a’zosi, amerikalik biznesmen Avram Gleyzer portugaliyalik hujumchi Krishtianu Ronaldu haqida o‘z fikrlari bilan o‘rtoqlashdi.
"Ronaldu klubga 16 yoshida qo‘shilgan va birinchi kundanoq u mashg‘ulotlarga birinchi bo‘lib kelgan va ularni oxirgi bo‘lib tark etgan.
Buyuk sportchilar biron bir sababga ko‘ra buyuk bo‘lishadi, ular zo‘r bo‘lib tug‘ilmaydi. Ular ko‘p mehnat qilishadi va maksimal darajada o‘zlarini ko‘rsatishga harakat qilishadi. Siz ham qo‘lingizdan kelganicha harakat qilishingiz kerak.
Siz bor e’tiboringizni o‘z ishingizga qaratib, nimaga qodir ekanligingizni hammaga ko‘rsatib qo‘yishingiz kerak", - dedi Gleyzer.
Joriy mavsumda Ronaldu Premyer-ligada 8 ta o‘yinda maydonga tushib, 4 ta gol urdi va bitta golli uzatmani amalga oshirdi.
